Irlanda është një tjetër vend që ka ndaluar përdorimin e vaksinës AstraZeneca. Mediat e huaja bëjnë me dije se ky është një vendim që ka ardhur në kohën kur Irlanda kishte kërkuar nga kompania të shtonte furnizimin me vaksina në vend.
Autoritetet irlandeze vendosën pezullimin e përdorimit të saj, pasi Norvegjia konfirmoi disa raste të dyshimta me mpiksje gjaku dhe hemorragji pas marrjes së vaksinës. Ndërkohë kujtojmë se Norvegjia regjistroi të paktën tre raste me mpiksje gjaku pas marrjes së vaksinës. Tre personat janë pjesë e bluzave të bardha.
Shqetësues është fakti se ata janë të rinj në moshë. Një zyrtar norvegjez tha se janë raportuar dhjetëra raste kur personat e rinj që kanë marrë vaksinën, kanë pasur hemorragji dhe nxirje të lëkurës.
Po ashtu janë raportuar raste me numër të trombociteve, që mund të provokojnë hemorragji të brendshme. Thuajse gjysma e vendeve të BE ka bllokuar në mënyrë të plotë ose të pjesshme vaksinimin me AstraZeneca.
