Pas zgjedhjes së Joan Laportas si president i ri i klubi, Barcelona si duket ka marrë një fytyrë tjetër, duke hyrë në radarin e katalanasve lojtarë te nivelit të lartë.
Nje ndër këto zëra është edhe sulmuesi i Mançester City-t, Sergio Aguero. Pas 10 viteve tek skuadra e Siti, “El Kun” me shumë mundësi sezonin tjetër do të gjejë një ekip të ri. Këtë sezon argjentinasi u dëmtua dhe nuk ka qenë një lojtar kyç për ekipin e Pep Guardiolës.
Por në lidhje me këto zëra ka reaguar vetë sulmuesi, duke hedhur poshtë thashethemet e momentit: “Të gjithe po shkruajnë Barça, Barça, Barça. Le të ndalen pak, të hedhin një vështrim. Unë jam akoma një lojtar i Sitit”, e mbylli fjalën e tij 32 vjeçari argjentinas.
