Mbrëmjen e djeshme mbërritën në Rinas mbi 38 mijë doza nga Astra Zeneca, ndërsa sot filloi vaksinimi i mësuesve për të vijuar të hënën në të gjithë vendin.
Por një pjesë e qytetarëve janë skeptikë nisur nga efektet që ka dhënë vaksina në disa shtete të BE-së që e kanë pezulluar.
Pavarësisht se Edi Rama sqaroi se seria e dozave që erdhën në Shqipëri nuk ka lidhje dhe është tjetër nga ajo që ka dhënë efektet anësore në disa shtete debati në rrjetet sociale me replika ka qenë i fortë.
Një qytetar i thotë Ramës se gjysma e mësuesve mund të shkojë për lesh nga AstraZeneca, ndërsa i kujton Kryeministrit se për vete u vaksinua me Pfizer.
Debatet kanë nisur pasi nga e hëna nis vaksinimi masiv i mësuesve, sikundër deklaroi sot Edi Rama, ndërsa ky proces nisi në një nga shkollat 9 vjeçare të kryeqytetit.
