FOTO/ Firmosi urdhërin për të nxjerrë nga zyrat FRD, vartësi i Veliajt ndërtoi vilën 4 katëshe brenda 1 viti

Belind Këlliçi, një prej drejtuesve politikë të PD në Qarkun e Tiranës, denoncoi përmes rrjeteve sociale, një prej vartësve të Kryebashkiakut Erion Veliaj, i cili urdhëroi një ditë më parë të tjerë vartës për të nxjerrë nga godina partinë Fryma e Re Demokratike.

Këlliçi shkruan se urdhëri është firmosur nga shefi i Policisë Bashkiake, Faik Belba, i cili sipas denoncimit brenda 1 viti ka ndërtuar një vilë 4 katëshe në Vaqarr.

“Me një letër mbushur me gabime drejtshkrimore, pa numër protokolli, me trajta gjuhësore jozyrtare, kryebashkiaku Veliaj i kërkonte partisë Fryma e Re Demokratike të lironte godinën që ka për seli. Personi i ngarkuar për zbatimin e këtij urdhri ishte shefi i Policisë Bashkiake Faik Belba. Shpërblimi për misionet kamikaze të Belbës është i dukshëm.

LEXO EDHE  Keni bërë plane për fundjavë, shihni motin më parë

Brenda 1 viti, ka ndërtuar një vilë 4-katëshe në Vaqarr. Pandemia nuk e ka penguar çetën me kapele bashkiake të shtojë bereqetin”, shkruan Këlliçi.