Një çift shqiptar është arrestuar në Itali për trafik kokaine, pasi u kapën me 12 kg lëndë narkotike brenda në makinën tip “Ford Fiesta”.
Arrestimi i dy shqiptarëve u bë në 27 janar në Lodi, por për arsye hetimore nuk u publikua nga autoritetet italiane.
Burrë dhe grua u ndaluan nga policia për shkak të kufizimeve nga koronavirusi dhe u pyetën se ku po shkonin?
Çifti fillimisht hezitoi më pas i thanë policisë se po shkonin te të afërmit për disa ditë pushime, por justifikimi nuk i bindi policët pasi në makinë nuk kishte asnjë çantë.
Nisur nga nervozizmi efektivët vendosën ta kontrollonin makinën ku zbuluan kokainën. Në dhjetor të vitit të kaluar u kap një tjetër shqiptar në Lodi me 43 kg kokainë.
