Aktorja e famshme, Susan Sarandon, ka habitur të gjithë me kërkesën që ka për parnerin/en e saj të ardhshme. Nuk e ka problem nëse është mashkull apo femër, por kërkon që të ketë bërë vaksinën anti-Covid.
Fituesja e çmimit Oskar ishte e ftuar në podkastin “Divorced Not Dead”, kur u pyet për tipin e mashkullit që po kërkon në jetë. “Çdo gjinie, jo vetëm meshkuj”, u përgjigj 74-vjeçarja. Por Susan shtoi se duhet që të jetë i vaksinuar.
“Nuk më intereson nëse është burrë apo grua. Dua të them që jam e hapur për çdo moshë dhe ngjyrë. Këto për mua janë thjesht detaje. Por ajo që më intereson është dikush që dëshiron të bëjë aventura”, u shpreh aktorja e famshme.
Kërkesat e saj nuk mbaronin këtu! Sarandon vijoi duke thënë se dëshiron pranë saj një njeri që nuk kërkon që të krijojë një familje.
