Zgjedhorja/ Maliqi: Opozita do të fitojë vetëm nëse qendron e bashkuar

Deputeti Lefter Maliqi i ftuar në Report Tv ka komentuar edhe marrëveshjen e arritur mes forcave politike për Reformën Zgjedhore.

Maliqi theksoi se Reforma nuk ishte e plotë pasi janë ende 3 kushte në lojë, gjithsesi ai deklaroi se do të mbështesë opozitën e bashkuar në Kuvend.

Ndërkohë Maliqi tha se një mandat i dytë për Donald Trump në SHBA do të ndikojë drejtpërdrejtë në politikën shqiptare. Maliqi ka theksuar se zgjedhjet e nëntorit në SHBA do të ndikojnë dhe nëse fiton Trump ndikimi do të jetë më i madh në sistemin e drejtësisë sepse vetvetiu i frikëson të korruptuarit, apo politikanët.

“Nëse Donald Trump do marrë mandatin e dytë, kjo do e bëjë më të fortë që të menaxhojë situatën në Ballkanin e përçarë. Ne do të jemi më të fortë pas nëntorit. Departamenti Amerikan i Shtetit do të mëshojë më fort”, tha Maliqi.

LEXO EDHE  Meta me kryeministrin e Kosovës: Mbështes dialogun Kosovë-Serbi

Maliqi tha për zgjedhjet e vitit që vjen se nëse opozita përçahet fiton e majta, por nëse qëndrojnë kështu atëherë është drejt fitores.

“Nuk fiton PD por Opozita e Bashkuar, nuk humb PS por Rilindja, por e rëndësishme është që ndërkombëtarët arritën që opozitën ta fusin në shinat e demokracisë”, ka theksuar Maliqi.

Në lidhje me Këshillin Politik të Reformës Zgjedhfore ai tha se nuk janë ata që vendosin por janë liderët politikë.

“Duke ndërhyrë ata do të thotë se komisioni sjell frymën e liderëve të partisë. Sido që të jetë tregon se opozita do të marrë pjesë në zgjedhje. I uroj suksese, pavarësisht gabimeve që do të bëjë opozita e bashkuar, problemet për shqiptarët do të vazhdojnë. Ky komision thjesht negocion propozimet e liderëve dhe vendosin ata”, shprehet ai.