Gjen vdekjen nga Covid-19,kryeplaku i fshatit Remanicë,Edison Hëna,50-vjeç. Babai i 3 fëmijëve ishte në intubim në Spitalin Infektiv në Tiranë,ku edhe pësoi arrest kardiak.
Kryeplaku i fshatit Remanicë,Edison Hëna ka ndërruar jetë nga Covid-19. Babai i 3 fëmijëve kishte mbërritur në Repartin e Urgjencës së Spitalit Rajonal Berat në 5 Mars,në gjendje të rënduar. Pas ekzaminimeve dhe skanerit të kryer,mjekët e spitalit të Beratit e kanë dërguar 50-vjeçarin me urgjencë me ambulancë në Spitalin Infektiv Covid-1 në Tiranë.
Mësohet se gjendja e 50-vjeçarit Edison Hëna është përkeqësuar dhe prej disa ditësh ai ndodhej në intubim. Me gjithë përpjekjet e mjekëve,50-vjeçari nuk ka mundur dot ta fitojë betejën me Coronavirusin dhe humbi jetën mbrëmjen e djeshme.
50-vjeçari Edison Hëna ishte kryeplak i fshatit Remanicë dhe këshilltar në këshillin bashkiak të ish/ komunës Velabisht. Të shumta kanë qënë mesazhet e ngushëllimit në rrjetet sociale nga miqtë e kolegët e 50-vjeçarit,që e përshkruajnë si një njeri të rregullt dhe familjar. Edison Hëna është përcjellë sot për në banesën e tij të fundit nga familjarët,miqtë e të afërmit.
