‘Më thuaj me kë rri, të të them se cili je’, kjo shprehje popullore do t’i shkonte shumë për shtat deputetit të opozitës parlamentare, Halit Valteri, i cili në zgjedhjet e ardhshme ka ndërruar fanelë, pasi do të veshë atë të rilindjes me numrin 34 mbi ‘shpinë’.
Valterit nuk i janë dashur më shuë se 72 orë që në momentin që emri i tij u rëndit në listën e kandidatëve socialistë për Tiranën, që dhe ai të fillojë e të mendojë si një rilindas i vërtetë (Rlilindas i viteve 2013-të e mbrapa).
Mbrëmjen e sotme Valteri do të deklaronte nga një studio televizive se për atë pak rëndësi ka se kush i bën fushatë, qoftë ai një kriminel apo drogaxhi, e rëndësishme për të është që ai person t’i sigurojë vota.
Mesa duket Valteri e ka të qartë se nëse do të ketë një karrierë të gjatë dhe të suksesshme brenda rilindjes, fillimisht duhet të afrohet me sa më shumë të fortë, të blejë sa më shumë vota, pasi vetëm në këtë mënyrë do t’i binte në sy për mirë liderit të partisë.
Kujtojmë që Halit Valteri u bë pjesë e Kuvendit të Shqipërisë, vetëm pasi opozita dogji mandatet.
Valteri dhe një pakicë emrash në lista refuzuan që të ndjekin vendimin e PD-LSI për të mos qenë pjesë e parlamentit dhe vendosën që të marrin mandatet, të cilat për hir të së vërtetës i vunë të gjith në shërbim të mazhorancës, dhe për këtë një pjesë e tyre u shpërblyn duke ju vendosur emri në listat e PS për zgjedhjet e 25 prillit.
