Kryeministri Edi Rama u shpreh mbrëmjen e sotme në Real Story se së shpejti synojmë të nisim vaksinimin masiv të popullatës.
Rama tha se vaksinimet do të vijojnë me mësuesit dhe pedagogët.
“Ka një lojë gjeopolitike me vaksinat, ato nuk janë në tezga që kushdo shkon edhe i merr, e keni gabim. Ne pritëm që Pfizer të bëjë më shumë, s´ka bërë më shumë as për Gjermaninë, dhe dinamika ka sjellë procesin në një pikë ku s´kemi çfarë të presim më. Po shikojmë për vaksinat kudo”, tha Rama.
I pyetur lidhur me problemet që ka shkaktuar Astra Zeneca dhe pezullimit të aplikimit të saj në disa vende të BE, Rama tha se “është bllokuar një seri vaksinash, ndërsa ato që vijnë në Shqipëri janë vaksinat e sigurta, s´kanë lidhje fare me serinë që është bllokuar”, tha Rama.
Sipas tij, vaksinat i takojnë mësuesve, pedagogëve, forcave të policisë dhe ushtrisë. “Janë shumë kategori përpara politikanëve lidhur me vaksinimin”, tha Rama.
