Kreu i bordit të LVV me qendër në Shqipëri, Enis Sulstarova dhe kandidati i kësaj force politike në Tiranë, Bojken Abazi, kanë zhvilluar një takim me mbasadorin gjerman Peter Zingraf.
Në këtë takim përfaqësuesit e Lëvizjes e njohën Ambasadorin Zingraf me historikun dhe zhvillimet e Qendrës në Shqipëri, duke prezantuar edhe tre kandidaturat për deputetë që Lëvizja po mbështet në Shqipëri: Boiken Abazin në Tiranë, Iljaz Shehun në Lezhë dhe Kreshnik Merxhanin në Gjirokastër.
Postimi i plotë:
Takim me Ambasadorin e Gjermanisë në selinë e Lëvizjes VETËVENDOSJE! në Tiranë
Kryetari i Bordit të Qendrës së Lëvizjes VETËVENDOSJE! në Shqipëri, Enis Sulstarova, dhe kandidati për deputet për Qarkun e Tiranës, Boiken Abazi, pritën sot në takim Ambasadorin e Republikës Federale të Gjermanisë në Tiranë, Peter Zingraf, dhe Zv. Ambasadorin, Jannis von Oy.
Në këtë takim të parë prezantues përfaqësuesit e Lëvizjes e njohën Ambasadorin Zingraf me historikun dhe zhvillimet e Qendrës në Shqipëri, duke prezantuar edhe tre kandidaturat për deputetë që Lëvizja po mbështet në Shqipëri: Boiken Abazin në Tiranë, Iljaz Shehun në Lezhë dhe Kreshnik Merxhanin në Gjirokastër. Të tre me integritet moral dhe profesional. Nga ana e tij, Ambasadori Zingraf u interesua mbi programin e Lëvizjes dhe theksoi rëndësinë që këto zgjedhje parlamentare në Shqipëri të jenë të lira e të ndershme.
Palët vendosën të vazhdojnë kontaktin e takimet edhe në të ardhmen.
Tiranë, 11 mars 2021
Lëvizja VETËVENDOSJE!
Qendra në Shqipëri
