Jolio Dine, kandidati i PD në Qarkun e Vlorës, ka reaguar përmes rrjeteve sociale pas akuzave të Kryeministrit Edi Rama, lidhur me listën e kandidatëve të paraqitur nga koalicioni opozitar në këtë qark.
Rama dhe drejtuesi politik i Rilindjes në Vlorë, Damian Gjiknuri, pretenduan se asnjë nga kandidatët e paraqitur nga PD dhe aleatët nuk i përlet zonës, madje shkuan deri atje sa të thonin se në listë nuk ndodheshin përfaqësues nga komuniteti çam.
Por Dine në reagimin e tij shprehet se në listën e PD janë 3 kandidatë që përfaqësojnë komunitetin çam.
“Unë Jolio Dine, pinjoll i familjeve Korro e Shorri nga Konispoli, por edhe nip në Shalës e Dishat, Gëzim Ademaj dhe Julian Zoto (Taipi) jemi në listë edhe si përfaqësues të komunitetit çam”, shkruan Dine.
Postimi nga Jolio Dine
Edi Ramen e ka zëne paniku dhe eshte trullosur nga humbja e sigurt. Te drejte ka qe thote se Partia Demokratike nuk ka perfaqesues ne liste per komunitetin cam, se Edi Rama as nuk i njeh e as nuk i do camet!
E kujtoj Edi Ramen se une, kandidati me nr.5 Gezim Ademaj dhe ai me nr.8 Julian Zoto (Taipi), jemi ne liste edhe si perfaqesues te komunitetit cam.
Une jam Jolio Dine, pinjoll i familjeve Korro e Shorri nga Konispoli, por edhe nip ne Shales e ne Dishat. Jam lindur e rritur ne Sarande, por jam krenar qe rrjedh nga dy fise te nderuara Konispolate.
E ndiej veten perfaqesues edhe te asaj zone se nuk e kam ndare kurre veten nga banoret e Bashkise Konispol, kam qene dhe do jem pjese e atij komuniteti dhe e ftoj Kryeministrin te pyesi mire dhe ne rast se nuk pyet, pergjigjen do e marre ne 25 prill.
