Kryeministri Edi Rama u shpreh mbrëmjen e sotme në “Real Story” se përderisa Kryebashkiaku i Vlorës refuzoi të ishte pjesë e listës së kandidatëve për deputet të PS, ne do të fitojmë pa të.
Rama tha se nuk ka pasur asnjë problem, asnjë ndëshkim publik për Dritan Lelin, thjesht është një çështje e brendshme e PS.
“Kush nuk është gati për të qenë në skuadër, mbetet jashtë skuadrës. I kam çuar një mesazh Damian Gjiknurit sepse nuk mund të isha i pranishëm në mbledhjen e djeshme, por s´ka pasur asnjë letër kundër Lelit”, tha Rama.
Kryeministri Edi Rama ka shmangur komentet e mëtejshme lidhur me përplasjen mes tij dhe Dritan Lelit, apo kërcënimeve sikundër janë raportuar mediatikisht debatet, ndërsa ka vlervsuar të flasë për ato që i konsideronte si projektet madhore amerikane për Vlorën dhe TEC e Fierit.
