Përfaqësuesi i PD për qarkun e Korçës, Ervin Salianji, i është përgjigjur akuzave dhe ironive të kryeministrit Rama për koalicionin opozitar.
Salianji, në një lidhje telefonike për mediat, shprehet se kjo është një provë e dështimit të Ramës, dhe hallit të madh që e ka zënë për t’u përballur me betejën e zgjedhjeve.
Ish-deputeti Salianji, tha se krahasimi i kandidatëve të PS dhe PD, është shumë i turpshëm.
Ai theksoi se nuk ka asnjë koment tjetër për të bërë, ndërsa shton se është çdo ditë në rrugë me qytetarët, dhe në fokus ka ekonominë dhe përmirësimin e jetës së tyre.
“Rama të jetë më kreativ por me sa duket e gjithë pesha e luftës nuk e bën dot të përdorë batutat,” u shpreh Salianji.
Më herët, kryeministri Rama ironizoi emër për emër kandidatët e listave të koalicionit opozitar. Ironive të tij, i janë përgjigjur edhe Dashamir Shehi dhe nënkryetari i LSI, Petrit Vasili.
LEXO EDHE:
Konferenca online me kandidatët e PS, Rama sulmon sërish koalicionin opozitar
