Presidenti Ilir Meta përsëriti rëndësinë e ndërgjegjësimit të çdo qytetari se vota e tij është fuqia e tij e vërtetë në demokraci.
“Jam i bindur se këtë fuqi do ta tregojnë më 25 prill. Është moment për referendum që e ardhmja e Shqipërisë në Europë të mos diskutohet” u shpreh Meta.
Në një konferencë me gazetarët në qytetin e Fierit, Meta reagoi dhe ndaj ironisë që Rama bëri sot me një foto të tij duke pirë ujë.
“Edhe sikur të pija raki nuk do të shqetësohesha. Unë kokainën jo vetëm që nuk e përdor por do jem një luftëtar i pashembullt ndaj çdo politikani që përdor substanca narkotike, dhe që jo vetëm kaq del garant para mafias ndërkombëtare për të pastruar lekët e saj në Shqipëri”, tha ai.
