Menaxheri i VIP-ave, Xhani Demika, ishte e ftuar mëngjesin e sotëm në emisionin “Kafe Shqeto” në Syri Tv. Ai foli në lidhje me ndryshimin e jetës së tij, një vit pas pezullimit të jetës së natës, mbylljes së clubeve dhe muzikës live pasi si një njeri shumë afër Vip-ave, ai ka qenë dhe një frekuentues i rregullt i jetës së natës.
“Pandemia po zgjat më shumë seç duhet dhe realisht ne jemi pa punë, jemi munduar të përdorim Instagramin për marketing që të nxjerrim shpenzimet tona. Na mungon shumë jeta e natës, shpresoj të hapen sa më shpejt të gjitha. Më vjen mirë që janë të hapura qendrat tregtare dhe pazaret ku njerëzit grumbullohen më shumë se sa natën”- tha Xhani.
‘Njerëzit janë ndërgjegjësuar shumë dhe tashmë janë dhe të frikësuar’ , tha Xhani.
Si një menxher i disa bizneseve dhe loung-eve në kryeqytet, Xhani foli dhe për situatën në bar-restorantet e kryeqytetit: “Pandemia ka ndikuar shumë, shumica prej loung-eve kanë ulur rrogat e stafit dhe oraret e punës gjithashtu, pasi bizneset e kanë të pamundur t’a përballojnë këtë vështirësi.”
