Të shtunën do të luhet derbi i shumëpritur mes Tiranës dhe Partizanit, i vlefshëm për javën e 24-të të Superligës.
Provokimet në rrjetet sociale nga lojtarët kundërshtarë kanë nisur. Jasir Asani e njeh mjaft mirë ambientin e derbit pasi është lojtari i vetëm i të kuqve që nuk ka provuar asnjëherë shijen e humbjes.
Së fundmi, mëngjërashi ka bërë një postim në rrjetet sociale kur kujton një ndeshje ndaj bardhebluve në Selman Stërmasi, të fituar nga skuadra e tij.
Në shtator të 2019-tës, sezoni që përkon me titullin kampion, pjesë e ekipit ishte edhe Lorenc Trashi, të cilin nuk ka hezituar ta etiketojë. “Ritransmetim…”, shkruan në diçiturën e postimit Asani duke ndezur në këtë mënyrë supersfidën e së shtunës.
