Ditën e shtunë, ora 13:00, luhet derbi i kryeqytetit mes Tiranës dhe Partizanit në kuadër të javës së 24-të të Superiores.
Ndërkohë në rrjetet sociale kanë nisur shkëndijat e para. Klubi i Partizanit ka publikuar një video në kanalin zyrtar me një fragment të filmit “Shoku ynë Tili”.
Në video shfaqet aktori i njohur që shprehet: “Po ç’e do, kot që vajtëm, hëngrëm dru si herët nga Partizani”.
Krahas saj, klubi i Partizanit ka bashkangjitur edhe pjesë nga derbit e shkuar ku fitues kanë dalë pikërisht të kuqtë. Edhe pse jemi 4 ditë larg, supersfida e kryeqytetit ka nisur të ndizet.
