Pas Partisë Demokratike e cila për zgjedhjet e 25 prillit ka zgjedhur sloganin “Shqipëria Fiton”, edhe Partiia Socialiste ka përcaktuar sloganin e fushatës së saj elektorale.
Slogani i PS-së për zgjedhjet Parlamentare të 25 Prillit do të jetë: “Shqipëria e ardhmja jonë”.
Kryeministri Edi Rama synon mandatin e 3-të në qeverisjen e vendit, edhe pse nuk ka një bilanc pozitiv lidhur me arritjet në 8 vitet e drejtimit të Qeverisë. Pothuajse të gjitha premtimet që ka bërë në 2013-ën, Kryeministri Rama nuk ka arritur ti përmbushë, ndërsa fushatën për zgjedhjet e 25 prillit duket se do e përqëndrojë te rindërtimi, pas tërmetit të 26 nëntorit të 2019, dhe vaksinimi, proces që po ecën shumë ngadalë, 1 vit nga shfaqja e pandemisë në vend.
Gjithsesi Rama në të dy rastet po luan politikisht, ku për rindërtimin po shfrytëzon dorëzimin e çelësave të banesave të reja, edhe pse qytetarët që mbetën pa shtëpi si pasojë e tërmetit kaluan 3 dimra jashtë, ndërsa për vaksinimet ka gjetur si argument mungesën e vaksinave në sasitë e nevojshme. Deri më tani, procesin e vaksinimit Rama e ka drejtuar politikisht, ku nga momenti i mbërritjes së dozave në aeroport deri në nisjen e vaksinimeve me pikatore, ai shfaqet i pari.
