Detaje të reja dalin në dritë nga plagosja me armë zjarri që ndodhi sot në një fshat të Rrogozhinës, ku i plagosur mbeti një 22-vjeçar. Ngjarja ndodhi në fshatin Sinaballaj pas një konflikti çasti. I plagosur, mbeti i riu Klajdi Lluca.
Raportohet se konflikti fizik ka nisur fillimisht mes 2 të rinjve, me sende te forta e me grushte dhe me pas është qëlluar me pistoletë ndaj 22-vjeçarit.
Pas plumbit në këmbë ai është transportuar në spital ku ndodhet jashtë rrezikut. Policia ka bllokuar automjetin që dyshohet se është përdorur nga autori për t’u larguar nga vendngjarja, ndërsa vijon puna për kapjen e këtij të fundit.
