Deputeti socialist Musa Ulqini nuk do të jetë pjesë e listave për deputet të zgjedhjeve parlamentare të 25 Prillit për Partinë Socialiste.
Bëhet me dije se Ulqini e ka refuzuar vendin në listën e propozuar nga kryeministrit Edi Rama, ndërsa nuk dihet arsyeja e këtij refuzimi.
Më herët u raportua se Ulqini ishte një prej emrave që nuk ishte vendosur nëse do të kandidonte ose jo në Qarkun e Elbasanit. Ulqini është një nga deputetët e hershëm të PS-së, ish-gazetar i ZP-së, i njohur edhe për batutat në mbledhjen e famshme të KPD në vitet 2000, kur ai u krahasua nga Fatos Nano me një lavatriçe.
Kujtojmë se emra të tjerë të cilët nuk do të jenë pjesë e listave të kandidatëve për deputet janë Vasilika Hysi, Besnik Bare, Sadi Vorpsi dhe Eglantina Gjermeni.
Kjo e hënë është dita e fundit ku të gjitha partitë duhet të dorëzojnë listat e tyre të kandidatëve për deputetë në zgjedhjet Parlamentare të 25 Prillit.
