Listën e Partisë Socialiste në Fier do ta kryesojë zv.kryeministri Erion Braçe.
Kjo u bë e ditur nga Kryeministri Edi Rama gjatë prezantimit të kandidatëve për deputet. Ai tha se kjo do të jetë një skuadër që ka edhe palcën e PS, por edhe frymëmarrje me figura të reja.
“Lista zgjeron kufijtë e PS. Është një skuadër që ka të gjithë palcën e PS, por edhe një frymëmarrje shumë më të madhe që shkon përtej organizmit. Duke e bërë PS pasqyrë të shoqërisë, të gjitha kategorive”, shpreh Rama.
Rama u shpreh se në ndryshim nga zgjedhjet e kaluara këtë herë kanë zgjedhur që në krye të listës të vendosin emra të rinj, duke u dhënë gjithashtu edhe grave një vend të veçantë.
