Media greke: Rruga e hashashit, plotësisht e hapur përmes Shqipërisë

Në kulmin e pandemisë dhe rikthimit të tensioneve greko-turke, media greke “Protothema” risjell edhe njëherë reportazhin e BBC-së në fund të vitit të kaluar në disa fshatra të Janinës lidhur me trafikun e kanabisit nga Shqipëria. “Rruga e hashashit është e hapur plotësisht përmes Shqipërisë” shkruan media greke.

“Në fillim të dhjetorit 2020, një ekip i BBC me gazetarin Costas Koukoumakas ndoqi rrugët e kanabisit nga Shqipëria në Greqi: “Kufiri malor me Shqipërinë është rruga më e madhe tokësore për tregtimin e kanabisit në Evropa Fshati kufitar grek Haravgi i Janinës është afër kësaj rruge por nuk ka tela me gjemba ose pengesa të tjera për shënjimin e kufirit “. Siç kemi shkruar në mënyrë të përsëritur, kufiri Greko-Shqiptar, i cili për më shumë se njëqind vjet nuk është gdhendur në tokë, por vetëm në letër, përcaktohet nga kolonat (të ashtuquajturat “piramidat”), të cilat lidhen me seksione të drejta imagjinare dhe nuk ka absolutisht asnjë pengesë që pengon kalimin nga një vend në tjetrin”

“E pamundur të kontrollohet kufiri greko-shqiptar pavarësisht përpjekjeve të rojeve kufitare greke dhe forcave Frontex. Taktikat e tregtarëve shqiptarë të drogës janë me organizim perfekt dhe me kallashnikovë, korrupsioni në vendin fqinj dhe mbështetja për kultivuesit e hashashit” shkruan “Protothema”

“Në qendër të vëmendjes mund të jetë koronavirusi, konflikti greko-turk dhe rastet e përdhunimit e dhunës fizike, por kjo nuk do të thotë se këto janë problemet e vetme me të cilat përballet vendi ynë. Për fat të keq, ndonjëherë këto probleme nuk qëndrojnë brenda kufijve grekë.

Problemi me të cilin do të merremi gjerësisht sot, vjen nga Shqipëria dhe ka të bëjë me importin e sasive të mëdha të hashashit nga vendi fqinj në Greqi. Fatkeqësisht, këto sasi janë të destinuara për vendin tonë, por edhe përmes tij në tjetër të Evropës.

Në kohët e fundit janë kapur disa ngarkesa me kanabis në Greqi, origjina e të cilave ishte Shqipëria.