I parashikuar të mbahej nesër, ankandi për shitjen e Vllaznisë drejt shtyrjes. Zbulohen prapaskenat

Ankandi i privatizimit të klubit të Vllaznisë thuhet se nuk do të hapet ditën e nesërme ashtu siç ishte parashikuar edhe më parë.

“Shkodra Sport” bën me dije se Drejtoria e Mbikëqyrjes së Tregjeve Prodhuese ka kërkuar nga Bashkia Shkodër si pronare e klubit të futbollit rishikim të kritereve të shitjes.

Ky vendim ka ardhur pas ankesës së Almiro Gurakuqit, një prej biznesmenëve të interesuar për aksionet e klubit. Veç Gurakuqit, ankesë ka bërë edhe ish-presidenti Valter Fushaj.

Pas ankesës së datës 4 mars për pabarazi dhe diskriminim, Bashkia Shkodër ka vendosur një ditë më pas, në 5 mars përmes një shkrese me protokoll 3905 pezullimin e ankandit publik, deri në shqyrtimin e ankesës.