Një shqiptar është dënuar me 16 muaj heqje lirie pasi u kap me një fermë kanabisi, e cila është vlerësuar rreth 150,000 paundë. Shqiptari e kreu dënimin në paraburgim dhe në kushte të tilla ai u lirua nga një gjykatës.
Edmond Gjata u arrestua në një shtëpi në Bradford , më 3 maj të vitit të kaluar.
Gjykata e Bradford tha se shtetasi shqiptar 30-vjeçar kishte 1.000 paund në dorë dhe një telefon në momentin e arrestimit.
Prokurori Graham O’Sullivan tha se kishte 101 bimë kanabisi në pesë dhoma. Ferma ishte në gjendje të jepte 18 kilogramë drogë me një vlerë rruge prej 150,000 £.
Gjata i tha policisë se ishte duke punuar në një lavazh makinash kur u dërgua në shtëpi për t’u kujdesur për bimët.
Avokati i tij, Abdul Shakoor, tha se Gjata u soll në mënyrë të paligjshme në Mbretërinë e Bashkuar me premtimin për punë.
Gjata kishte një problem të gjatë shëndetësor që do të thoshte se kishte vështirësi në frymëmarrje.
Gjykatësi Andrew Hatton tha se Gjata tashmë kishte vuajtur dënimin e tij në paraburgim. Ai do të lirohej menjëherë por Ministria e Brendshme mund ta ndalonte atë si një emigrant i paligjshëm.
Gjykatësi urdhëroi konfiskimin e parave të gjetura dhe shkatërrimin e bimëve të kanabisit dhe mjeteve të drogës.
