Kryetarja e LSI Monika Kryemadhi, mëngjesin e sotëm vizitoi disa biznese të vogla në njësinë numër 5 në Tiranë.
Të shumtë ishin qytetarët të cilën shprehën problematikat e tyre. Një prej tyre tha se kjo qeveri është e poshtër dhe kurrë mos i lini të vjedhin votën.
“Unë kam qenë gjithmonë në anën tuaj. Këto nuk i kam dashur asnjëherë. Këto janë selektive, vijnë këtu për një vazo lulesh që vënë në rrugë, vënë 50 mijë lekë gjobë. Nuk e lënë rininë të punojë. I kanë dhënë stres. Nuk di rinia nga të shkojë.
Shkoj punoj atje marr vetëm 100 mijë lekë. Kjo është një qeveri e poshtër dhe kurrë mos i lini të vjedhin votën. Në spital kam qenë kam pasur vëllain atje, turni i parë, turni i dytë, turni i tretë vetëm lekë paguanim se ndryshe e linin të vdiste.
Siç e vdiqën një person dhe isha aty prezente. Dhe i thashë trup të keni sepse ju nuk punoni me djersë. Kudo ku shkojmë duan lekë.”-tha qytetarja.
Kryemadhi: Edhe ne duhet të shkojmë në kutitë e votimit. Dhe prandaj duhet ta rrëzojmë, që mos ti shkojë më në mendje njeriu që të bëjë këto gjëra.
