Koronavirusi/ Brazili kërcënohet rëndë nga varianti P.1 i ri i SARS-CoV-2

Brengosja dominon në Brazil për shkak të numrit të lartë të viktimave të njoftuara çdo mbrëmje në media: 1,726 të vdekur të martën, 2 mars, 1,910 të vdekur të nesërmen dhe vendi kaloi shifrën totale prej 261,000 të vdekur të enjten, me 1,781 vdekje të reja.

dëshmitarë të një përkeqësimi të përgjithshëm të treguesve”, paralajmëroi, në një deklaratë, qendra publike e kërkimit mjekësor Fiocruz, duke vërejtur “një rritje të infektimeve dhe vdekjeve dhe një rritje të zënies të shtretërve në terapi intensive më të madh se 80% të kapacitetit total në 19 nga 27 shtetet e vendit ”.

Në Manaus, specialistët nuk janë të befasuar nga përkeqësimi i treguesve të epidemisë. “Ashtu si vitin e kaluar, ky është i njëjti film që përsëritet. Situata në Manaus po del jashtë kontrollit dhe, një muaj më vonë, pjesa tjetër e vendit do të vuajë të njëjtin fat… ” tha Felipe Naveca, virolog në qendrën Fiocruz në Manaus.

Kryeqyteti i shtetit të Amazonas (2.2 milion banorë), i cili përjetoi një shpërthim të rasteve në Manaus është bërë një terren kërkimi për shkencëtarët të cilët kërkojnë të kuptojnë se çfarë pret pjesën tjetër të vendit, dhe në veçanti për të kuptuar më mirë sjelljen e variantit të ri të ndryshuar.

Tre studime paraprake kanë arritur në disa përfundime që duhen thelluar se varianti i ri, i cili u shfaq në Manaus, mund të nxisë ri-infeksionet dhe të përkeqësojë ngarkesën virale të pacientëve./ LeMonde