Kapiteni i Mançester Junajtid, Harry Maguire, nuk i mbajti dot nervat gjatë barazimit me Crystal Palace të mërkurën, ndërsa u përfshi edhe në një zënkë me shokun e skuadrës, Marcus Rashford.
“Djajtë” e Ole Gunar Solskjaerit u ndalën në një barazim 0-0 në “Selhurst Park”, i treti radhazi për ta, duke i dhënë praktikisht fund shpresave të tyre për titull (-14 pikë nga rivalët e Sitit përpara përballjes direkte të dielën).
Dhe rezultati i fundit i dha pasojat në humbjen e qetësisë mes mbrojtësit dhe sulmuesit. Ata u përplasën verbalisht në fushë, me Meguajërin që u zemërua pasi Rashford u zu në pozicion jashtë loje. “Çfarë do që unë të bëj?”, iu drejtua Rashford kapitenit, i cili i irrituar i tha: “Kthehu në pozicion të rregullt dreqi e mori”, por Rashfordit nuk i mbajtën më nervat dhe iu kundërpërgjigj: “Qepe gojën, kokë…
