Krim në familje, djali vret babanë në Roskovec (Emrat)

Një krim në familje ka ndodhur këtë të Premte në fshatin Luar të Roskovecit, ku një i ri ka vrarë të atin. Viktima është Dhori Rapi, 52 vjeç, i cili është qëlluar nga i biri Erdis 25 vjeç, me sende të forta.

Burime zyrtare nga policia bënë me dije se krimi ka ndodhur në banesën e familjes Rapi rreth orës 11:50. Sipas një rindërtimi paraprak të ngjarjes nga uniformat blu, për motive të dobëta, i riu ka goditur në kokë me shkop babain e tij. Ky i fundit ka gjetur vdekjen e menjëhershme.

LEXO EDHE  Zgjedhjet/ Donald Tusk mbështet PD: Nëse duan ndryshimin, njerëzit duhet të votojnë për ndryshimin

Policia ka bërë të mundur kapjen e autorit dhe shoqërimin e tij në Komisariatin e Policisë.

Po kryhen veprimet procedurale dhe hetimore për zbardhjen e plotë të rrethanave të ngjarjes, njoftoi policia.

Erdis Rrapaj

Për mediat, të afërm të familjes, thanë se autori ka vuajtur nga probleme mendore dhe se ka qenë i shtruar në spitalin psikiatrik në Vlorë.