Mbi 217 mijë dollarë të pajustifikuara, SPAK nis hetimet ndaj gjyqtarit Kastriot Gramshi

SPAK ka nisur hetimin për një tjetër gjyqtar. Kastriot Gramshi është paditur pas deklarimeve mbi pasuritë dhe kreditë që ka marrë.

Gjyqtari i Tiranës, Kastriot Gramshi dyshohet se është bërë objekt i një hetimi penal nga prokuroria e posaçme SPAK, pasi një kallëzim ka mbëritur kundër tij.

Dosja voluminoze kundër  tij është regjistruar në sekretarinë e prokurorisë së posaçme SPAK, në fillim të muajit shkurt 2021 dhe ka si objekt hetimin mbi pasurinë.

Një pronë prej 290 mijë dollarësh amerikanë nga të cilat 217 mijë e 500 dollarë janë marë me kredi, është objekti i këtij hetimi, ku me sa duket ngrihen dyshime të forta se gjyqtari Kastriot Gramshi, nuk ka pasur burime të ligjshme për të justifikuar shlyerjen e kredisë në SHBA.

Prona është blerë në datën 21 Maj 2012 në vlerën 290,000 USD, nga të cilat 217,500 USD, janë marrë kredi.

“Ndërkohë në deklaratat e pasurisë në ILDKPKI nga viti 2014 e në vijim, pasqyrohen si kredi e plotë e marrë nga Kastriot Gramshi”-thuhet në kallëzim.

LEXO EDHE  Vrasja në Elbasan, Bardhi jep detajet: Përplasja me armë në prani të Policisë, ja çfarë ndodhi

Gjithashtu, Gramshi deklaron se ka kredi me afat 20 vjeçar për shtëpi banimi 160m2, me vlerë 261,000 USD.

Për këtë ai pretendon se burimi i të ardhurave është punësimi.

Por sipas “Premium Background Report” të Kastriot Gramshit, raportohet se ai, aktualisht,nuk ka asnje kredi prone të pashlyer dhe në të shkuaren ka patur një kredi prone për blerjen realizuar e 21 maj 2012, me vlerë kredie 217,500 USD.

Pra,sipas këtij raporti të USA, Kastriot Gramshi, ka shlyer plotësisht kredinë me vlerë 261,000 USD që e deklaronte si detyrim në deklaratën periodike të interesave private në ILDKPKI të vitit 2014 dhe si detyrim i mbetur ne vlerën 184,646 USD, deklaruar në deklaratën e vitit 2016.

Ndërkohë në deklaratat e vitit 2017-2018-2019 nuk deklarohet fare ky fakt,që ka shlyer plotësisht kredinë dhe nuk deklarohet asnjë e dhënë apo ndryshim në lidhje me këtë kredi.

Përkundrazi, në deklaratën e vitit 2018 dorëzuar në vitin 2019, Kastriot Gramshi deklaron se shlyerja e kredisë përfundon në vitin 2032.