Ashtu siç ishte parashikuar, është zhvilluar sot seanca për shqyrtimin e kërkesës së ILD-së, për shkarkimin e gjyqtares Enkeleida Hoxha, ku pas kërkesës së kësaj të fundit, kryetarja e KLGJ ka vendosur të shtyjë seancën për 11 mars në orën 10:00.
Gjyqtarja Hoxha u arrestua në 11 Shkurt pasi akuzohet se është përfshirë në një skemë korruptive në Gjykatën e Krujës.
Sipas ILD, gjyqtarja e Krujës ka dhënë 6 vendime në harkun kohor të maj 2017 – nëntor 2019 që përbëjnë akte që diskreditojnë figurën e gjyqtarit.
Gjyqtarja Hoxha kërkoi shtyrjen e seancës së sotme me argumentin që, të përgatisë parashtrimin tim mbi këtë procedim disiplinor.
Ndërkohë, Kreu i Inspektoriatit të Lartë i Drejtësisë, Artur Metani tha se “nuk shoh realisht arsye ligjore për shtyrje, sepse avokati ka qenë prezent në cdo seancë dhe ka bërë parashtresën dhe ka paraqitur pretendimet në emër të klientes së tij”. “Por në kuadër të respektit të gjendjes në të cilën ndodhet magjistratja, tentoj të jem mirëkuptuese ndaj kërkesës së saj dhe shprehem pozitivisht, por jo më shumë se disa ditë shtyrja. Duke respektuar të drejtën e magjistrates për t’u mbrojtur. Seanca e radhes me 11 mars ora 10.00”, shtoi.
Në fund, kryetarja e KLGJ, Naureda Llagami vendosi për shtyrjen e seancës: “KLGJ vendos të mospranojë kërkesat e avokatit për thirrjen e dëshmitarëve dhe marrje provash pasi ajo që pretendohet të provohet me prova nuk ka lidhje me objektin e hetimit disiplinor. Vendimi është unanim”.
