Vëllai i këngëtares së famshme Mariah Carey, Morgan Carey, ka ngritur një padi kundër saj në gjykatën supreme të Nju Jorkut, për shpifje dhe shkaktim të qëllimshëm të shqetësimit emocional pas publikimit të librit të saj, Kuptimi i Mariah Carey.
Ai është anëtari i dytë i familjes Carey që e padit atë rreth librit, pas motrës Alison, e cila e përshkroi librin si akuza mizore dhe të egra në lidhje me të.
I vëllai kërkon dëmshpërblim për dëme të paspecifikuara pasi shumë përshkrime në libër janë false dhe fyese. Ai pretendon se libri i shkaktoi dëm serioz reputacionit të tij dhe çështjeve të tij personale dhe të biznesit dhe ankth ekstrem si dhe se ndikoi negativisht në negociatat për një film artistik që ai po zhvillonte.
Në libër, Mariah përshkruan një luftë të dhunshme midis Morgan dhe babait të tyre, duke shkruar: “Unë isha dëshmitare e mundësisë që një anëtar i familjes sime të vdiste brutalisht para syve të mi”.
