Këngëtarja e famshme Taylor Swift ka reaguar e revoltuar ndaj filmit të Netflix, “Ginny dhe Georgia” pas një shakaje të cilën e ka cilësuar si seksiste. Në një skenë, personazhi kryesor Ginny Miller i drejtohet nënës së saj Georgias, duke i thënë: “Ti i ndërron burrat më shpejt se Taylor Swift.”.
Skena ka shkaktuar revoltë tek fansat e Swift, të cilët kanë kërkuar bojkotimin e serialit. Lidhur me këtë ka reaguar vetë këngëtarja amerikane përmes një statusi ironik. Ndërkohë, as Netflix apo stafi i serialit nuk i është përgjigjur reagimit të saj.
“Hey Ginny & Georgia, 2010-a telefonoi dhe kërkon mbrapsht shakanë e saj të mërzitshme, jashtëzakonisht seksiste. Po sikur të ndalojmë së ofenduari gratë që punojnë fort duke mos e përcaktuar një gjë të tillë si për të qeshur. Gjithashtu, Netflix, pas ‘Miss Americana’, nuk të ka hije kjo gjë.” shkroi Taylor në postimin e saj në Twitter.
Hey Ginny & Georgia, 2010 called and it wants its lazy, deeply sexist joke back. How about we stop degrading hard working women by defining this horse shit as FuNnY. Also, @netflix after Miss Americana this outfit doesn’t look cute on you 💔 Happy Women’s History Month I guess pic.twitter.com/2X0jEOXIWp
— Taylor Swift (@taylorswift13) March 1, 2021