Takimi kundër Apolonisë, Ilir Daja merr vendimin për Jasir Asanin

Ditën e nesërme, Partizani do të luajë në transfertë kundër Apolonisë në kuadër për javën e 22-të të Kategorisë Superiore. Kjo sfidë do të zhvillohet në orën 13:00, ndërsa me interes pritet të mësohet 11-shja titullare që do të hedhë në fushë trajneri Ilir Daja.

Jasir Asani ka qenë një nga emrat më të përmendur ditët e fundit, i cili ndaj Laçit e nisi çuditërisht nga pankina. Trajneri kryeqytetas tregoi arsyen duke deklaruar se gjithsecili futbollist është i detyruar të pranojë stolin dhe të japë maksimumin e tij kurdo që e thërret nevoja.

LEXO EDHE  Kategoria Superiore U21/ 27 gola në 5 ndeshje, Vllaznia “shtyp” Tiranën, fitore në transfertë për Kukësin

Duket se situata mes 54-vjeçarit dhe mëngjërashit është qetësuar. Edhe pse ende s’është vendosur përfundimisht, mësohet se trajneri Daja e ka përgatitur manovrën kundër Apolonisë duke përfshirë në formacion pikërisht 25-vjeçarin.