Mjeku i njohur Kita Sallabanda tha se në Shqipëri duhet të ndryshojë mjekimi lidhur me rastet Covid-19.
Sallabanda tha se ajo që po ndodh në Shqipëri është shumë e rrezikshme, pasi pacientët në banesat e tyre po kurohen me dy lloje antibiotikësh, me kortizonikë, i vendoset edhe oksigjen dhe kur shkojnë në spitale nuk kanë se çfarë ti bëhet më.
“Duhet të ndryshojë formula e mjekimit. Ne nuk e kemi ilaçin e artë për të kuruar Covid-19, por është një infeksion viral. Unë nuk e kuptoj se si një mjek mund të japë receta me antibiotikë dhe kortizonikë, pastaj edhe me vendosje oksigjeni në kushte shtëpie”, tha Sallabanda.
Sipas tij, kjo është një sëmundje virale, për të cilën nuk duhet të përdoren receta të tilla bombastike.
