Manchester City nuk mund të ndalet në Premier League. Skuadra e Pep Guardiolës ka arritur fitoren e 21-të radhazi në kampionat teksa “viktima” e radhës është Wolverhampton.
“Qytetarët” fituan me rezultatin 4-1 teksa takimi u zhbllokua shpejt. Dendoncker devijoi një top dhe e dërgoi në portën e tij, duke i dhënë epërsinë “Qytetarëve” pas 15 minutash lojë.
Në fundin e pjesës së parë e çoi topin në rrjetë edhe Americ Laporte, por VAR e anuloi për pozicion jashtë loje. Coady barazoi në minutën e 61-të me një gjuajtje me kokë, por City nuk mund të pajtohej me këtë rezultat. Gabriel Jesus dhjetë minuta nga fundi riktheu epërsinë, kurse Mahrez më pas shënoi edhe golin e tretë.
U duk se u mbyll gjithçka me kaq, por jo. Braziliani Gabriel Jesus realizoi edhe golin e katërt për Manchester City, që nuk ka rivalë në Premier League.
