I shpalluri në kërkim për vrasjen e Shkëlzen Kastratit në Fier, Elmir Tufa, pretendon se nuk ka lidhje me atentatin e ndodhur më datë 1 shkurt.
Në një intervistë nga arratia për emisionin Uniko, 29-vjeçari ka sjellë si provë disa pamje të kamerave të sigurisë së një biznesi privat në Krujë, ku pretendon se ka qenë në ditën e vrasjes së Kastratit.
Në sekuencën e shkurtër filmike, Tufa shihet duke dalë nga një makinë tip “Mercedes-Benz C Class”.
“Ky është Elmir Tufa, ky jam unë. Jam me të njëjtin kostum, veçse aty kam qenë me mjekër edhe këtu jam pa mjekër, sepse jam duke u ruajtur nga kushtet që jam në kërkim. Këtu jam te Big Marketi, kam lënë makinën, jam duke ikur. Në orën 09:11 kam ardhur, kam parkuar makinën” – u shpreh i riu pas transmetimit të pamjeve.
Shkëlzen Kastrati u vra mesditën e datës 1 shkurt në dalje të qytetit të Fierit, teksa po drejtonte mjetin tip “Benz”. Zyrtarisht, 4 persona janë të akuzuar për vrasjen e tij, mes tyre edhe Elmir Tufa.
