Gjykata e Kukësit ndryshoi ditën e djeshme (1 mars) masën e sigurisë ndaj Fjolla Morinës.
Në mungesë të këngëtares, gjykata vendosi ta ndryshonte masën nga “arrest shtëpie” në “arrest me burg”. Ky vendim u mor, pasi këngëtarja vendosi të braktiste shtëpinë në Kukës ku duhej të kalonte izolimin dhe u arratis në drejtim të paditur.
Ndërkohë pasi ky lajm bëri xhiron e mediave ditën e djeshme, duket se Fjolla Morina nuk është shqetësuar aspak. Në llogarinë e saj në Instagram ajo ka publikuar disa video në të cilat shfaqet përkrah një mikeshe dhe partnerit të saj, Fisnik Syla. Nga pamjet e publikuara këngëtarja duket shumë e qetë, teksa vazhdon të shijojë jetën e saj në arrati.
