Francesco Morieros dhe ndihmësi i tij, Fabrizio Miccoli, dhanë dorëheqjen nga klubi i Dinamos. Ndërkohë emri i parë që qarkullon për të zëvendësuar teknikun Italian është Olsi Uku, aktualisht zv.trajner i Tiranës.
Klubi dinamovit e pati paralajmëruar që dje që do t’i besohet një shqiptari dhe kandidati më potencial është pikërisht ai. Sot ndoshta do të mësohet diçka më shumë, pasi koha nuk premton.
Jo më larg se nesër, blutë do të presin në Pezë-Helmës Veleçikun për llogari të javës së 13-të. Drejtuesit mendojnë se ai është i duhuri jo vetëm se është një ish-lojtar me moshat e bluve.
E megjithatë, nuk përjashtohet mundësia që klubi të zgjedhë dikë tjetër. Ajo që është e sigurt, Dinamo ka hequr përfundimisht dorë nga italianët.
