“Basha nuk ka këllqe”, Paloka i përgjigjet Ramës: Në panik, sepse e kupton se ka nisur fundi i tij

Edi Paloka, përmes një reagimi në rrjetet sociale, i përgjigjet deklaratave të kryeministrit Edi Rama, i cili në daljen e sotme para mediave nuk i kurseu sulmet për opozitën.

Sipas nënkryetarit dhe drejtuesit politik  të PD në Durrës, Rama është në panik sepse po kupton që ka nisur fundi i tij.

“Rama është në panik sepse ai e kupton se ka nisur fundi i tij. Rama e kupton se ai do të shkojë në shtëpi në 25 prill. Ne do të sjellim ndryshimin për Shqipërinë: shpresë të re për të gjithë dhe plane serioze pune në të gjitha fushat ku Rama ka dështuar për 8 vite – ekonomi, shëndetësi, arsim, emigracion, infrastrukturë. Koha jote mbaroi, Rama! Është koha për ndryshim”, shprehet Paloka.

Më herët, Rama u shpreh:

“Sa i përket marrjes së drejtimit të opozitës kjo është shumë e qartë për ata që shikojnë përtej asaj që duket. Mjafton të shikojnë firmosjen e marrëveshjes së djeshme për të kuptuar planin, plani është shumë i qartë. Pse u firmos marrëveshja dje? Për çfarë?

Si mund të firmosin marrëveshje paraelektorale dy parti që garojnë veç e veç, keni parë ndonjë vend të botës? Është shumë e thjeshtë. Është pjesë e planit për të lidhur Lulin me zinxhirin e Monikës për llogari të Saliut dhe Ilirit dhe pastaj ose për të marrë pushtetin dhe për të shpërbërë reformën në drejtësi ose për marrë kokën e Lulit.

Ka më thjesht se kaq. Është shumë e qartë pse e duan Lulin të lidhur para zgjedhjeve. Por këtu problemi nuk është Ilir Meta, problemi është Lulzim Basha që nuk ka këllqe, nuk ka karakterin e një lideri që të mos fshihet as kur i tregojnë se çfarë do ti bëjnë të nesërmen dhe as kur aleati i tij i madh thotë unë amerikanët i kap për veshësh”.

LEXO EDHE  Çfarë do të bëjë nëse nuk merr 71 mandate? Rama e thotë për herë të parë