Kryeministri hungarez, Viktor Orban është vaksinuar kundër Covid-19 me vaksinën nga laboratori kinez “Sinopharm”, pasi Hungaria u bë vendi i parë i BE-së që miratoi përdorimin e saj.
Orban, përmes llogarissë së tij të “Facebook” ka shkruar se “Unë jam vaksinuar” shoqëruar me një video që tregon se ai po injektohet me një dozë të vaksinës nga një punonjës shëndetësor që mban një kuti të Sinopharm.
Kujtojmë se kryeministri hungarez ka kritikuar haptazi procesin e BE-së për të vlerësuar dhe blerë vaksinat si shumë i ngadaltë, ndërsa u bëri thirrje qytetarëve hungarezë që të mos frikësohen rreth vaksinës kineze.
