40 gola në sezon: Një rekord që mbahet ende nga Gerd Muller në Bundesligë. Por, Robert Lewandowski vazhdon të jetë në rrugën e duhur për të arritur rekordin e sulmuesit të kombit. Sulmuesi më i mirë i botës është në formën më të mirë të jetës dhe në 23 javë të kampionatit ka shënuar deri tani 28 gola.
Për polakun ky është një rekord absolut. Në fitoren 5-1 ndaj Këlnit, Lewa nuk mungoi në listën e golashënuesve duke shënuar dy herë. Në vitin e rekordit, Gerd Muller kishte shënuar 25 gola në 23 javë. Në 51 nga 58 vitet e Bundesligës, kaq do të mjaftonin për t’u shpallur golashënuesi më i mirë. Por kur mendon që janë edhe 11 javë për t’u luajtur gjithçka mund të ndodhë. Polaku shënoi për të 10 herë, rekordi mbahet nga Gerd Myler i cili në një sezon shënoi 13 gola radhazi. Me 264 golat në Bundesligë, Leva është i treti në listën e golashënuesve më të mirë të të gjitha kohërave në Bundesligë.
Para tij janë vetëm Klaus Fisher me 268 gola dhe Gerd Muller me 365. Me golat e shënuar, Robert ka një mesatare prej 1.27 gola për ndeshje duke bërë që në fund, lojtari, nëse vazhdon të ecë me këto ritme, ta përfundojë sezonin me 42 gola.
Fanella e Bayern Munich i ka dhënë lojtarit me numër 9 një stimul më shumë. Kujtojmë që për Borusian e Dortmundit ai shënonte çdo 133 minuta. Tani në Munich, atij i mjaftojnë 94 minuta për të tundur rrjetën. Bomberi bavarez nuk kërkon të ndalet me kaq edhe pse në intervista ai flet shumë pak për rekordin e Mylerit.
