Në orën 15:00 pritet të startojë sfida Inter-Xhenoa, e vlefshme për javën e 24 të Serisë A italiane.
Zikaltërit vijnë nga një moment mjaft pozitiv teksa fundjavën e kaluar mposhtën Milanin në derbi me rezultatin 0-3 dhe skuadra e Antonio Contes do të tentojë të korri suksesin e 5-të radhazi në kampionat për t’iu larguar ndjekësve sa më shumë në krye të klasifikimit, teksa gjen Genoan e “ringjallur” me Davide Balardinin në stol, teksa nuk humbasin një ndeshje të kampionatit që prej gati 2 muajsh dhe duke u larguar mjaftueshëm nga zona e ftohtë.
Interi në këtë ndeshje do të bëjë pa shërbimet e Ashraf Hakimit në të djathtë pasi është i skualifikuar duke plotësuar numrin e kartonëve të verdhë, dhe do të bëjë pa Stefano Sensin i cili për të disatën herë ka pësuar dëmtim muskulor në këmbën e tij.
Formacionet zyrtare:
Inter – (3-5-2): Handanoviç; Skriniar, De Vraj, Bastoni; Darmian, Barela, Brozoviç, Eriksen, Perisiç; Lautaro Martinez, Lukaku.
Genoa – (3-5-2): Perin; Goldaniga, Radovanoviç, Zapata; Gilione, Melegoni, Rovela, Strotman, Siborra; Pjaca, Skamaka.
