Një aksident i 3-fishtë ka ndodhur sot në aksin Levan-Vlorë, ndërsa një 18 vjeçar ka humbur jetën. Ndërkohë 4 persona të tjerë kanë mbetur të plagosur rëndë dhe janë transportuar drejt spitalit rajonal të Vlorës.
Policia ndodhet në vendngjarje dhe ka bllokuar totalisht këtë aks. Lëvizja e mjeteve është zhvendosur në rrugën e vjetër që lidh Fierin me Vlorën. Kështu, autostrada po funksionon vetëm me një krah.
Lidhu me aksidentin, raportohet se dy automjete me targa AA183BA Benz dhe AA 371Af u përplasën, ndërsa në aksident është përshirë edhe një makinë e tretë.
Njoftimi i plotë:
Viktimë një 18-vjeçar dhe katër të plagosur rëndë, policia informacion zyrtar për aksidentin në
Rreth ores 14:30, në autostradën Levan-Vlorë, në afërsi të mbikalimit në fshatin Bishan, një mjet tip “Benz” me drejtues shtetasin A.K., 40 vjeç, është perplasur me një tjetër mjetin tip “Benz”.
Si pasojë e aksidentit, ka ndërruar jetë shtetasi E. T., 18 vjeç, dhe janë dëmtuar shtetasit K. D, Q, D, F. D dhe R. L, të cilët ndodhen në gjëndje të rëndë shëndetsore.
Ndërsa drejtuesi i njerit prej mjeteve shtetasi A. K, është shoqëruar në Komisariatin e Policisë Vlorë, për veprime të mëtejshme.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
