Sot në rubrikën “Ka një mesazh për ty”, Ketjana ka rrëfyer historinë e saj tronditëse. 7 vite më parë ajo ka bërë një aksident dhe doktori nuk i ka dhënë shpresë për të jetuar.
Pas 3 muajsh qëndrimi në koma, babi i saj me fjalën e doktorit që ajo nuk do të kthehet më, kishte përgatitur shtëpinë, madje edhe arkivolin.
Teksa kthehej në spital, babai ka marrë lajmin se Ketjana është zgjuar dhe e ka thirrur babain e saj.
“Imazhi i parë që kam parë ka qenë mami im. Familja ime ndërkohë që kam kaluar 3 muaj në koma e kanë gdhirë në spital së bashku me shumë njerëz të mitë të afërt.
Pasi u zgjova nga koma mea vion privat me dërguan në Milano. Nuk lëvizja dot këmbën dhe dorën e djathtë.
Prindërit e mi kanë marrë kredi që unë jam sot këtu. Unë eci me kokën ulur në Krujë pasi çdo qytetar në Krujë ka kontribuuar në shëndetin tim. Mami im punon në Itali, ruan dy të moshuar për të larë borxhet e mia.
Kam ardhur këtu ti përulem ti puth duart gjësë më të shtrenjtë që vuajtur ka sakrifikuar për mua, babit tim”, ka treguar Ketjana.
