Emmanuel Egbo është vlerësuar me çmimin “Trajneri i Vitit” në Afrikë. Nigeriani ia doli të fitojë titullin kampion në krye të stolit të Tiranës, trofe që bardheblutë e rikthyen pas 10 sezonesh. Në një çeremoni të zhvilluar dje në mbrëmje, Egbo ia ka dalë të lërë pas shumë personazhe të njohur.
Titulli kampion me Tiranën dhe pjesëmarrja në Ligën e Kampioneve ishte hera e parë për një trajner afrikan në Europë, andaj çcmimi është mëse i merituar.
Për Egbo, eksperienca në krye të Tiranës ishte hera e parë për të që merrte frenat si trajner I parë i një ekipi, duke treguar më së miri me trofeun e arritur në fund. Prej nëntorit, pas ndeshjes së Kupës së Shqipërisë humbur me Korabin dhe eleminimit nga eventi, Egbo u shkarkua nga Tirana duke qenë trajner i lirë.
