Partizani dhe Laçi ditën e djeshme morën nga 1 pikë teksa barazuan me rezultatin 1-1. Një barazim që vlen shumë, kështu e konsideroi Shpëtim Duro rezultatin në transfertë ndaj skuadrës së Dajës. Në intervistën e tij për Gol pas Goli, trajneri i kurbinasve e analizoi kështu ndeshjen.
Rënia në fundin e pjesës së parë? Janë gjëra normale, e nisëm mirë. Bëmë presion lart dhe duhet të kishim shënuar, patëm disa momente. Partizani na priti në mesfushë dhe donte të na kapte befasisht. U ndëshkuam nga një episod në fund, ishte çështje fati”.
“Nuk dal dot në konkluzione, por është fakt që këto katër vite kam marrë rezultate pozitive kundër Partizanit. Luanim për dy rezultate, ishte jashtë. Kur u mbyll e para 1-0 është pozitiv nëse barazon. Ndeshjen e katërt e luajmë në Laç”.
“E kam thënë që kam një ekip perfekt, nuk mendohej kështu para se të vija. Janë futur shumë lojtarë. Shehu nuk ka luajtur ndonjëherë atje. Mazrekaj ka ardhur të tregojë veten dhe është kthyer në lojtarin më të mirë. Kemi Markun, kemi edhe Harmonin që kishte luajtur pak. Ai është bërë forcë e skuadrës. Kur ndodh që të gjithë këta futen në punë, normal që skuadra përforcohet”.
“Polemika? E kisha me Deliun, pasi la Bardhin të përparonte. Nuk e kisha me arbitrin dhe Dajën. Diferenca me Partizanin është një pikë, kemi përparësi faktin që e presim në shtëpi. Për titull janë katër skuadra, do jetë luftë e fortë. Bluza e kuqe? E vesha qëllimisht, që ta marrin vesh ata. Unë dhe Ledio Pano e kemi në zemër Partizanin, kjo dihet”.
