Tre automjete janë përfshirë në një aksident të frikshëm në aksin Levan-Vlorë, ndërsa një prej makinave është ndarë në dy pjesë.
Si pasojë e aksidentit ka humbur jetën një 18-vjeçar. I riu nuk ka mundur t’u mbijetojë plagëve të marra si pasojë e përplasjes.
Nga raportimet mësohet se në spitalin rajonal të Vlorës u transportuan 3 persona.
Policia ndodhet në vendngjarje dhe ka bllokuar totalisht këtë aks. Lëvizja e mjeteve është zhvendosur në rrugën e vjetër që lidh Fierin me Vlorën. Kështu, autostrada po funksionon vetëm me një krah.
