“E kam edhe me fakte, me video”/ Paloka: Mazhoranca ka nisur veprimet antiligjore për vota

Nënkryetari i PD-së, Edi Paloka, njëherësh drejtuesi politik i qarkut të Durrësit, i ftuar në emisionit “Kjo Javë” me moderatoren Nisida Tufa foli për veprime antiligjore të vërejtura gjatë punës së tij në terren në Durrës, të kryera nga mazhoranca.

Paloka u shpreh se ka prova dhe video, të cilat do t’i denoncojë edhe në SPAK.

“Fushata po shkon mirë, ka probleme që lidhen me veprime antiligjore dhe kushtetuese që kanë nisur nga maxhoranca. Po grumbullojmë prova dhe të gjitha do t’i denoncojmë në SPAK.

Janë marrë në punë njerëz me kontrata 2 mujore ndërkohë që kodi e ndalon. Këta persona nuk figurojnë as tek sigurimet shoqërore.

Kur vjen ora policore fillojnë dhe dalin këta të rilindjes nëpër shtëpi, për të kapur vota. E kam edhe me fakte me video atë Çelën e Durrësit”,– tha Paloka.

LEXO EDHE  FOTO-DESHMI/ Autori i plagosjes në mesin e drejtuesve të Bashkisë së Kavajës

Paloka tha ndër të tjera se “për ne ka një frymë që është në favor të opozitës. Duhet të jemi të sinqertë që pjesën më të madhe e zë urrejtja dhe mllefi ndaj kësaj qeverie.

Shqiptarët kërkojnë ndryshim, ne duhet t’ju ofrojmë zgjidhje problemeve të tyre”.