Basha: Më 25 Prill, Rama humb dhe Shqipëria fiton!

Kryetari i partisë Demokratike ka reaguar pas takimit me përfaqësues të Shoqatës së Energjisë së Rinovueshme, ku u fol për problematikat e fushës dhe programin e PD për energjinë.

Lulzim Basha shprehet se 8 vitet e fundit, Shqipëria ka mbetur në vendnumëro me Edi Ramën edhe në sektorin e energjisë.

“Të gjithë investitorët ishin njëzëri të shqetësuar për rrënimin e klimës së investimeve, ndryshimin e rregullave të lojës, korrupsionin dhe favorizimin e monopoleve. Investimet e huaja në këtë sektor kanë ndalur me ardhjen në pushtet të Edi Ramës. Kërkesat e prodhuesve të energjisë ishin të qarta: Shqipëria ka nevojë për klimë favorizuese ndaj prodhimit të energjisë në vend, për liberalizim të tregut dhe për bursën e energjisë. I garantova se për 4 vite si kryeministër do të garantoj stabilitet dhe parashikueshmëri për investimet e tyre. Ndava me sipërmarrësit detaje të planit tonë për energjinë. Ata e vlerësuan këtë plan si një nevojë urgjente për të ringjallur tregun e energjisë dhe për të zbutur kostot për prodhuesit dhe për konsumatorët familjarë. I sigurova përfaqësuesit e Shoqatës së Energjisë së Rinovueshme se pas 25 prillit, qeveria do të jetë aleate e tyre dhe jo ortake që kërkon të gllabërojë fitimet tuaja”, shkruan kryedemokrati në një postim në rrjetet sociale.

LEXO EDHE  Berisha: Topalli e Patozi refuzuan ftesën për bashkëpunim, absurd kushti i vendosur

“Më 25 prill, zgjedhja për çdo shqiptar është e qartë: ndryshimi dhe rikthimi i shpresës në çdo fushë të jetës në Shqipëri me planin tonë të punës përballë mbetjes në vendnumëro me Ramën. Unë jam i bindur se më 25 prill, Rama humb dhe Shqipëria fiton”, shton ai.